Tutorial ini kita beking atas permintaan ferly, so lama dia da bilang beking tutorial mengenai beking capat startup windows mar baru s’karang ta trus … sorry bos.., ada beberapa cara mo se capat start up windows, pertama kita mo se tunjung bagimana mo se ilang tu program yang ba jalang waktu windows ngana se hidop. program ini kadang-kadang torang nda perlu atau tu program boleh torang akses melalui menu “Start – All Program” jadi nda perlu tu program musti bajalang dari awal (start up),…
Mar jo mulai Klik “Start” trus “Run”. mo kaluar form “Run”, ketik di kotak “Open” “msconfig” klik “OK”.
Muncul menu “System Configuration Utility”, klik di “StartUp”, nanti tu nama-nama program mo kaluar, se ilang tu tanda cek di program yang ngana nimau dia mo maso di startup, , kalu nanti ada masalah ngana boleh cek ulang tu program.khusus for antivirus sebiar jo dia bajalang di startup…Kalu ngana so yakin deng tu program klik “Apply”, trus klik “OK”
Kaluar form deng keterangan “ngana musti restart tu komputer supaya tu perubahan ngana da beking iko jadi” klik jo “Restart” supaya tu perubahan jadi…, kalu ngana pilih “Exit Without Restart” berarti tu perubahan blum mo jadi, nanti mo jadi kalu ngana so restart tu komputer.
Sampe sini dulu nanti baku dapa ulang… Salam.
