S’karang mar jo ator tu start menu, langsung jo…, Klik kanan di Taskbar kong pilih “Properties”.
Kaluar Form “Taskbar and Start Menu”, klik di “Start Menu”, abis itu klik “Customize…”.
Muncul form “Customize Start Menu”, klik di “Advanced”.
S’karang tinggal pilih mana tu mo ator…, Di “Start menu settings” ada dua sub menu, pertama “Open submenus when I pause on them with my mouse” kalu cek ini, tiap kali taru tu kursor di program komputer secara otomatis mo se tampil dia pe sub menu, mar kalu se ilang tu cek ngana musti klik dulu di program baru tu sub menu mo muncul. kadua “Highlight newly installed programs” kalu ngana cek ini, tiap kali ngana instal program baru, komputer mo se tanda deng warna krem tu program di start menu…
Di “StartUp menu items” banya pilihan yang bisa ngana pilih, misalnya ngana mo se ilang tu menu “Run” di start menu, ngana cuma se ilang tu tanda cek di kotak “Run command”, nanti tu menu “Run” mo ilang, bagitu lei tu laeng…
Di menu “Recent documents” kalu ngana cek tu “List my most recently opened documents” maka kalu ngana klik di start trus “My Recent Documents”, komputer mo se lia ngana pe dokumen yang ngana baru buka, menu ini fungsinya supaya ngana lebeh capat buka tu dokumen, jadi ngana nda perlu lagi mo buka folder for mo cari tu file, ngana cuma klik tu file di “My Recent Documents”. mar kalu ngana nimau orang tau apa tu baru ngana lia di komputer, nda usah cek ini. kalu ngana mo hapus tu dokumen yang so ada di menu “My Recent Documents” klik di “Clear list”.
Kalu sudah klik “OK”. 
