Mungkin ngana banya kali dapa pesan “Error”, itu kalu ngana pe komputer rusak (Crash), kita pernah dapa pesan error rupa di gambar, kita pe media player crash, kong microsoft kase pilihan mo kirim tu pesan error ke microsoft atau nyanda, kalu for kita ni pesan error mengganggu s’kali pertama karna tape komputer nyanda salalu terhubung deng internet jadi bagimana mo bakirim pesan ?, kadua kita nimau microsoft mo tau kita pe komputer soalnya banya file rahasia he.. he.., lantaran itu kita mo se nonaktifkan tu error report.
Klik kanan di ikon “My Computer” atau start – klik kanan di “My computer”.
Klik “Properties”.
Di “System Properties” klik “Advanced”, trus klik di “Error Reporting”.
Mo kaluar form “Error Reporting”, klik jo di “Disable error reporting” usahakan tu “But notify me when critical errors occur” ngana centang supaya kalu tu komputer ada kerusakan yang fatal (Critical) windows mo se tau…
Klik “OK”.
Mulai s’karang ngana so nda mo dapa pesan “Error Reporing”.
