Komputer kalu so tarasa mulai “slow” salah satu penyebabnya karna so banya program da install pa ngana pe komputer, kalu ada program yang ngana rasa nda berguna lebeh bae ngana se kaluar der komputer (Uninstall),biasanya program yang ngana install di komputer ada menu uninstall , rupa di gambar program antivirus avg ada menu uninstall klik jo di situ , mar kalu tu program nda ada menu uninstall, ngana musti hapus der control panel…
Klik “Start” – “Control Panel”.Di bagian “Pick a category” pilih “Add or Remove Programs”.
Mo kaluar form “Add or Remove Program” , di bagian “Currently instaled programs” so dapa lia tu program yang da ta instal pa ngana pe komputer, klik jo tu program yang ngana mo uninstall, kalu kita pilih Mozilla Firefox.
Kalu so suka mo hapus tu program der komputer klik jo “Remove” di seblah kanan.
Muncul form “Mozilla Firefox Uninstall”.
Klik “Next”.
mozilla mo se tau tu lokasi program yang ngana mo uninstall, di situ lei ada pilihan kalu ngana mo hapus tu ngana pe program pe data deng pengaturan, kalu ngana mo hapus centang tu kotak kecil di muka “Remove my Firefox personal data and customizatios”.
Klik “Uninstall”.
Mozilla mo se tau der tu program so ta hapus der komputer.
Klik “Finish”.
S’karang tu program so nda ada pa ngana pe komputer…
