Kalu ngana pe komputer di rumah banya orang ja pake ada baiknya kalu ngana pake user account supaya ngana pe komputer lebe aman, ngana bisa beking account for ngana, ngana pe anak, ngana pe maitua/paitua deng boleh lei ngana pe tetangga… he.. he..,usahakan cuma ngana tu tipe administrator supaya cuma ngana tu punya hak tidak terbatas di komputer,…
klik “Start” – “Control panel” di form “control panel” ada bagian “Pick a category” klik jo di “user account”.
Muncul form “User Accounts”.
klik di “Create a new account”.
Di kotak “Type a name for the new account :”, ketik ngana pe nama account, tu account ini mo muncul di Welcome screen deng di start menu.
klik “Next”.
Pilih ngana pe tipe account “Computer administrator” atau “Limited” kalu ngana pilih “Computer administrator” ngana punya kekuasaan penuh di komputer, mulai dari beking, rubah, hapus account, merubah sistem secara global, menginstal program, deng mengakses semua file yang ada di komputer. kalu ngana pilih “Limited” ngana ada keterbatasan di komputer misalnya ngana nda bisa instal program di komputer.
kalu sudah klik “Create Account”.
Ngana pe account so ada di situ…
Kalu ngana mo pindah account klik di start – log off – switch user kong klik jo tu nama user.
bahasa mana sih pa? ngana ngana ga maksud ngana
Om…….sapa tu ofa ragil boy ? rupa wajah baru.
kita lei nintau orang nyasar kali… nintau bahasa manado kwa…