Ta pe komputer kalamaring sempat rusak…, pagi-pagi ta se hidop dia so nimau hidop, waktu kita tindis dia pe power… nda ada gerakan… biasanya pas tindis tu power dia pe kipas langsung ba ribut…, kipas power supply aja nda hidop !!! …, jadi kita ambe kesimpulan dia pe power supply tu error…, Kalamaring kita baru sempat pi b’li tu power supply…, merek simbadda, dia pe harga Rp. 181.000,- OK… s’karang kita mo coba ganti tu power supply… Kita buka tu komputer pe casing…
So dapa lia dia pe biang kerok…
Cabu tu kabel der power supply ka mainboard (motherboard), kabel ka disk drive (CD/DVD), kabel ka floopy disk, deng tu kabel yang ka prossesor (kita da pake pentium ampa, jadi biasanya kalu pentium ampa ada kabel listrik tambahan).
Buka tu bout ampa di blakang yang da ba tahang tu power supply, mar sebelumnya kita se tidor tu komputer supaya tu power supply nda jatung.
Cabu se kaluar tu power supply.
Pasang tu power supply baru.
Power supply baru so ta pasang.
Pasang tu kabel der power supply ka mainboard (motherboard).
Pasang tu kabel der power supply ka prossesor.
Kita pasang lei tu kabel ka disk drive (sayang tu kabel der power supply cuma tiga, no tu perlu ampa, tu disk drive pa kita ada dua, kalu mo pasang dua dua tu kabel nda mo cukup… jadi terpaksa tu CD-RW kita nda pasang, kita da pasang cuma tu DVD-RW), kita pasang tu kabel ka floopy disk,
sebelum kita tutu tu casing kita coba dulu … kita se sambung tu kabel der monitor, kabel mouse deng kabel keyboard ka cpu…, deng perasaan deg-degan kita cucu tu kabel listrik… creeeek… hasinya… aman… soalnya kalu ada koslet pasti tu listrik turung…he..he.. no ini nyanda… berarti aman…, s’karang bagian yang menentukan… kita tindis tu dia pe power… kipas-kipas langsung manyanyi… he.. he.. perasaan so mulai tenang… komputer mulai booting… kage nda lama di layar muncul pesan pilh boot drive… so tegang lagi ini soalnya biasanya nda bagitu… ok kita iko dia pe mau… kita restart kong maso di bios, maso di menu boot…, pilih boot dari hardisk (walaupun sebelumnya memang so di situ)… abis itu save & exit… booting lagi… berhasil masuk windows…, wellcome screen… kong desktop… he..he.. komputer hidop lagi HOOOOORRRRRRRREEEEEEEEEEE…….!!!!!!!!!!!!!!.
HI Pix!
Ngana kote ini kang ta pikir2 sapa leh ini zorro dr lemoh?
Huahuaua…ngana so lupa stow katu pa qta perkrnalkan dulu
Qta veron yg tgl di lorong ranosui huahaua..senang skali eh bs baku dp di toulemoh..gimana dang hdp di sana aman2 jo toh?
Regards,
Veron .Tombokan
To Veron eh dia suka lempar deng keju baru dia mo kanal. toh pix.
Lupa sih nyanda kita masih sempat monitor pa ngana… mar ngana di amerika atau di kanada ? soalnya berita terakhir ngana di kanada he..he.. btw kyiapa ngana kase comment di “ganti power supply” ???
nyanda doe magori kalu keju kita ja makang he..he.. mar deng singkong masih ja makang no… he..he..
To Pix, he…he….ubi jo kwa. atau so nintau tu ubi…..ha….ha….
he..he.. bukang so nintau ubi mar… kita cuma da secocok deng tu lagu.. kita lei tako jang mutah ubi..he..he..
sapa lei ni orang nda sopan satu ini maso nda permisi permisi kong momaki momaki stel deng pake nama zoel kong pake nama agan pra lei deng gigi kurang saki saki mo stel rabe orang pe talinga kalu ta dapa tau dia pe orang ta se ciri gigi supaya so nda msaki saki gigi,nyanda sopan skali ini orang satu ini ,kalu jago batunjung kua
lampu monitor kedap-kedip aj! nda mbunyi pas hidup
Monitornya kali rusak..