Abis pi arisan di pondok arum torang ba jalang pi bandung… der pondok arum torang pi pa enti dulu… antar pa henny deng lionel… sampe pa enti jam 23:57… der pa enti torang pi jemput pa jambrong deng bobby di cengkareng… sampe di sana jam 12:45… tu oto satu engki da bawa… dorang der citra langsung ka cileungsi… baku dapa di sana…
12:50 Der cengkareng jambrong bawa tu oto
01:42 Sampe di cimanggis da antar pa unggu
02:47 Sampe di cileungsi pi jemput pa dol deng lidya
03:50 Star ka bandung
05:29 “Buang aer” di daerah cikalong
05:41 Beli bensin di cianjur
06:25 Ngopi di daerah rajamanggala
06:40 santai…
08:48 Sampe di Cihampelas…
Lantaran banya toko blum buka jadi torang lanjutkan perjalanan… rencananya mo pi bli oleh – oleh di kartika sari…
09:12 Toko oleh – oleh kartika sari Jl.kebon jakut
Da pi cari ni toko ada dia pe cirita… waktu nice bilang “pi bli oleh – oleh di kartika sari” nice pe maksud tu kartika sari di jl. juanda (???)… tu toko basar… yang bawa oto jambrong… jambrong deng dol so baku tanya jambrong bilang “yang ada rel kereta” dol bilang “io…” pas di pertigaan dol bilang “belok kiri”… jambrong bilang “kanan”… dol bilang “kiri”… jambrong bilang “nda… sini… (kanan)”… lantaran jambrong tu da bawa oto jadi da ta belok kanan… dapa tu kartika sari mar kacil (dia pe muka ada rel kereta)… nice bilang “bukang di sini jim”… jambrong bilang “oh… disini dia pe rumah tampa produksi”… oto jalang trus kong bale ulang di pertigaan tadi kong belok kiri… iko tu dol da tunjung… dapa lei tu kartika sari… dia pe muka lei rel kereta… mar nice lei bilang “bukang di sini dol…” ha..ha..ha.. ternyata kote dong tiga ini pe kartika sari beda – beda ha..ha..ha.. satu di juanda… satu di kebon jukut… satu di mana stou he..he.. akhirnya ba beli situ… (memang dua – dua pe muka ada rel kereta he..he..)
09:35 Belanja di pasar baru
09:55 Oma belanja…
Abis b’lanja di pasar baru torang cari tampa makang… torang dapa inga tanta dei da buka rumah makang manado di bandung… torang telpon… kong tanta dei suruh datang…
12:03 Makang di rumah makang pa tanta dei
klar makang tanta dei antar torang pi cari penginapan… pertama pigi di “tebing view” (kalu nda salah).
14:16 Ba foto di tebing… (sama deng kaom bapa mo latihan koor… he..he..)
Penginapan so fol… kong torang trus pi “The peak”… so fol lei… bagitu lei di kampung daun… akhirnya tanta dei bilang nginap jo pa dorang pe rumah…
16:16 sampe pa tanta dei pe rumah
Malang – malang tanta dei se bajalang di kota bandung… torang sempat maso di “Paris van java”.
21:02 “paris van java”
21:07 menikmati “paris van java”
21:30 Ber-karaoke di inul vista
21:31 Penunggu karaoke sedang bertapa he..he..
kaluar “paris van java” macet….. der sana torang langsung bale pa tanta dei pe rumah… pagi torang cabut…
10:03 Kaluar der pa tanta dei pe rumah…
der rumah pa tanta dei torang pi makang ulang di rumah makang kebon kopi… der situ kong torang pi dewi sartika
12:01 Sebelum jalan foto bersama
01:14 Oma belanja di dewi sartika
01:50 Klar b’lanja makang batagor
Klar der dewi sartika torang pulang jakarta…
14:24 Tol cileunyi… macet…
14:59 Ba singgah di padalarang beli oleh – oleh
15:50 Cianjur ujang
sebelum trus jakarta torang se singgah pa dol deng keluarga di cileungsi… abis itu ka cimanggis, di sana unggu so momasa akang… deng s’kalian ambe titipan (kalu ada he..he..) deng iko rapat sadiki… (kita so manganto s’kali jadi cuma ja dengar – dengar sadiki)
20:25 Sampe di cimanggis
der cimanggis torang baru trus pulang… sebelumnya antar pa jambrong di cengkareng…
gimana kampung daunnya? bagus nda?????
bagus… sebenarnya torang monginap di situ maar…. nda jadi…
sadaaaaaaaaaaaaaaaaaaaaaaaaaaaap skali.