Deteksi kebohongan.. :P

Ada kata ini alo,, dia ilmuwan jago kong baru dapa beking robot yang bisa mendeteksi kebohongan,dia rancang sedemikian rupa sampe kalu orang badusta dia langsung tampeleng tu orang,, dia mo test dulu pa depe anak yang ada pigi skolah,mar sampe sore depe anak nda pulang2.baru malam depe anak pulang,

“Dari mana ngana kiapa pulang lat?,,alo batanya
“…ada pelajaran tambahan pa”,dpe anak manyau.

“PLAK” tu robot tampar dpe anak,,
“Ade ini robot papa da beking, dia mo tampar tu orang kalu badusta,jadi ngana bilang butul2 jo kiapa pulang lat”,,kata alo

“Sorry pak, cuma bauni kwa”,

“bauni apa?”,

“bauni sinetron pak”.

PLAK dapa lagi depe anak.

“Bilang deng jujur bauni apa?”.

“Bauni film p…o pak”.

Badengar itu alo nae darah,,

“ngana ini masih kacili so blajar2 bauni bagitu,, papa dulu waktu umur rupa ngana nda pernah bauni bagitu”.

“PLAK”, alo dapa paka,

Dua-dua tabadiam,,depe mama maso kong bilang : “memang jo ngoni anak deng papa so kurang sama, mar bagimana le dia tetap ngana pe anak, jadi….”

PLAK, dpe mama dapa le kong samua tadiang.

(Sapa pe anak dang dia???? ha.ha.ha.)

Sumber : Bakusedu.