Semalam chatting deng freddy.. dia ba tanya bagimana cara mo se mati facebook.. (sapa pe facebook kang??? he.he.he.).. sebagian percakapan seperti ini.. :
9:40Freddy
boz… klo mo se,ati fb.. bgimana hoii..
mati..
9:43pmJaverly
maksutnya?
9:44pmFreddy
mo keluar seterusnya dr fb… mo semati
9:44pmJaverly
kiapa so?
9:44pmFreddy
iyo noh.. mo semati fb tantu…
9:44pmJaverly
ribet
9:46pmFreddy
deri..
9:46pmJaverly
ng musti hapus samua ng p tamang,komen,grup dll.. hapus satu2!!!
9:47pmFreddy
babutul kwa ini….
9:47pmJaverly
yah elah! se nonaktif jo tu gampang
9:48pmFreddy
cara,y..???
9:48pmJaverly
setting
deactivated account (ng pake b ing to?)
9:50pmFreddy
indonesia…
9:50pmJaverly
di pengaturan ada tu paling bawah.. apa itu?
9:51pmFreddy
iyo.. kong
9:51pmYou are not online.
9:51pmYou are online.
9:51pmJaverly
pilih jo salah satu di menu
9:52pmFreddy
ohh… bagitu dnk..
9:52pmJaverly
baru deactivate my account (ing)
9:53pmFreddy
mar dya kalo so nonaktif.. sosama deng mati toch..
9:53pmJaverly
nyanda.. kalu ng login ulang mo aktif ulang itu
9:55pmFreddy
bagitu dnk… thanks
ee [...] so ada,,,???
9:55pmJaverly
blm tau… kiapa so?
The rest is.. “pergosipan”.. (Ba karlota! soal gosip terbaru toulemoh ha.ha.ha.).., itu sebagian chatting qta deng freddy aka Leo aka batu kubur he.he.he…,
supaya lebe jelas.. qta coba beking dia pe tutorial.. mudah-mudahan freddy 
baca ini kong lebe gampang mo se nonaktif dia pe facebook.. soalnya di akhir chatting dia da ba tanya ulang der so lupa!! dasar batu kubur!!.. ha.ha.ha.
Di pengaturan.. di bagian drop down menunya ada menu ‘pengaturan akun’.. klik di situ..
Kalu sudah.. mo kaluar beberapa menu.. seperti : nama, email, kata sandi, akun-akun tertaut, untuk 
mengenali anda sebagai pemilik akun, privasi dan yang paling terakhir ‘tutup akun’.. klik di ‘tutup’ di bagian tutup akun..
Mo kaluar pemberitahuan dari facebook.. dia bilang.. mo ada yang ‘merindukan’ kamu.. he.he.he. saadaaaap.. 
maar kalu memang mo se nonaktif pura-pura nintau jo he.he.he.. di bagian bawah ada beberapa menu pilihan.. facebook meminta penjelasan atau alasan kiapa mo se nonaktif tu akun.. kalu tu alasan yang facebook da kase nda ada tu cocok.. pilih ‘lainnya’ kong tulis di kotak bagian bawah tu alasan.. sama deng qta da pilih di gambar..
Kalu sudah.. bole centang tu ‘berhenti menerima email yang akan datang dari facebook’ supaya so nda mo terima email dari facebook.. dia pe laste.. klik ‘nonaktifkan akun saya’..
Abis itu.. eh.. blum dia pe laste kote kang? he.he.he. abis itu mo kaluar 
page pemeriksaan keamanan (Captcha).. ini fungsinya cuma mo cari tau apa ngana orang ato bukan (Spam) he.he.he… ketik tu 2 kata yang ada lingkaran hitam (dapa baca to? kalu nda.. ba priksa dulu.. 
) di kotak sebla bawah.. abis itu klik submit.. kalu berhasil.. akan masuk ke halaman welcome dari facebook..
Akun facebook so nonaktif..!!!
Kalu mo se aktif ulang.. tinggal log in lagi di facebook dengan email dan password yang sama.. kalu berhasil.. mo dapa pesan seperti ini :
OK.. sampe sini tu tutorial mo se nonaktif tu akun facebook.. for freddy.. mudah-mudahan bermanfaat.. kalu masih ragu-ragu.. hubungi polsek setempat!!! he.he.he. pisssssss.. 
CU..
