Remote..

Remote tv di rumah rusak.. . so pastiu.. kalu mo pinda channel.. musti pi tindis tu tombol.. kong lengkali yang muncul channel laeng.. akhirnya kemaren qta pi bli remote.. so ta putar – putar di kota tangerang akhirnya dapa tu tukang ba jual remote da buka lapak di muka toko.. ta trus ba singgah..

Pembeli : mbak ada remote toshiba gak?

penjual : ada.. brapa inch?

Pembeli : 29.. (mbak penjual ba cari pa dia pe lapak.. qta lei baku iko ba cari.. kong qta dapa lia.. )

Pembeli : ini mbak.. (qta iko ambe tu remote..)

Penjual : Oh iya.. itu buat toshiba..

Pembeli : brapa’an neh?

Penjual : 35!

Pembeli : mahal amat! 15 yah! (Pasang muka kecewa!)

Penjual : gak dapet pak! (pura – pura jual mahal)

Pembeli : koq gak dapet? kemaren saya baru beli.. di kasih 15! (ba dusta katu.. qta so lama nda beli remote.. )

Penjual : (so dapa lia mulai ragu) yah udah 25 aja!

Pembeli : koq 25? kemaren kan 15!? (ba tai minya lagi he.he.he. )

Penjual : (cuma babadiang kong pura – pura se bersih dia pe jualan)

Pembeli : (iko ambe doi 15 ribu di popoji kong kase) nih mbak..!

Penjual : (‘ragu – ragu’ maar akhirnya dia ambe.. deng muka sadiki broooot!. )

Pembeli : (dalang hati : “he.he.he.he.he.he.” berhasil!!! )

Somo pulang qta lia tu mbak ja se paka – paka pa dia pe jualan tu doi qta da kase.. “oh.. berarti qta tu penglaris.. pantasan dia da kase.. qta da tawar murah he.he.he.”.

Sampe di rumah dengan senang hati mo coba tu remote.. pas so se manyala tu tv kong tindis tu remote.. “kiapa nda jadi”?? kage bukang qta da beking bodok pa tu mbak.. malah dia yang beking bodok pa qta?!?!?!

yah! dosa kroll lei.. lupa kote bli batrey!!!.. tunggu ta mo pi bli batrey dulu.. CU…