Anakku lulus..

Tadi pagi anakku trima sms.. isinya orang tua di minta hadir di sekolah untuk menerima surat kelulusan siswa.. waktunya jam 11..

qta deng verlyni sama2 pi skola.. kira2 stenga 11 torang so sampe.. ba tunggu sekitar stenga jam lebe “baru mulai”.. (sama deng tape jantong le “baru mulai” deg – degan.. he.he.he.) setelah kata – kata sambutan.. dan acara ceremonial lainnya baru deh pembagian surat..

tu guru bilang jang dulu buka.. nanti buka sama – sama..  dan setelah surat ta berbage samua kong tu guru bilang “Silahkan di buka”.. qta buka plang – plang tu amplop surat.. kong qta pici (rupa ja lia kartu dank.. ) serta so ta buka qta cari tu tulisan “Lulus” ato “Tidak lulus”.. ternyata paling bawah kote… kong tu kata “Tidak lulus” da coret.. itu artinya… ANAKKU LULUS!!! he.he.he.
Verlyni datang kong ba tanya “Apa pa?” (Tu muka dapa lia penasaran skali!) kong ta se tunjung tu tulisan “Lulus”…
Yes! Yes! Yes!.. dia ba taria kong lari pi pa dia pe tamang – tamang kong baku – baku polo..

hmmm… setelah beberapa minggu “penasaran” akhirnya… LEGA…. Selamat kak!!!..