Hari minggu pagi antar oma ka bandara.. oma somo bale ka lemoh.. torang star dari citra kira – kira jam lima pagi.. musti pigi pagi der tu pesawat jam spuluh pagi.. jemput pa oma di pa anne di pondok arum..
sampe pondok arum kira – kira jam enam.. babacerita sadiki.. minung kopi.. kong baru trus di bandara.. torang sampe bandara sekitar stenga lapan.. di sana so ba tunggu dong enci lan.. dorang lei mo
pulang manado.. babacerita sadiki.. tatawa – tatwa sadiki.. kong kita dapa inga.. oma kote blum ambe tiket.. kita pangge pa oma for mo pi ambe tiket.. serta so dapa tu tiket kong nice pi se check in akang pa oma.. nda lama merry kaluar.. dia bilang dorang da tanya oma pe ktp.. oma lei so bingo.. soalnya tu oma pe ktp da ilang di jalang.. akhirnya oma maso kong pi bakudapa deng nice di dalang.. kong urus tu tiket.. bae lei dorang da kase check in biar nda ada ktp.. š makase for petugas check in.. akhirnya oma bisa terbang ka manado.. da..da.. oma.. š
