So dua taon..

Nda dapa rasa tape blog ini so dua taon,.. dua taon lalu,.. tape postingan pertama :

heelloouu,..Selamat datang pa tape blog,mudah-mudahan ngana suka mo lia tape blog, kalu nyanda… tolong kase komentar, klik jo di komentar di bawah, kalu ngana suka ngana pe foto mo muat di sini kirim jo pa tape email .. mar tu foto ta mo edit dulu kecuali kalu ngana kase keterangan nimbole edit…Thanks sebelumya,….Have a nice day…..Ciiiao…

~ P I X ~

hmmm,.. nda dapa rasa so dua taon da beking tu tulisan diatas,.. dapa inga maktu masih awal – awal beking ni blog,.. tiap hari ka warnet,.. (waktu itu blum ada speedy di rumah),.. sampe baku kanal bae deng tu penjaga warnet,.. masa – masa itu masih banya error ni blog,.. terpaksa browsing di internet for mo cari depe tutorial wordpress,.. brapa kali ganti – ganti theme,.. nanti kira – kira satu minggu baru samua dapa lia “ok”,..

dalam perjalanan ada dia pe suka dan duka,.. pernah amper ta se mati ni blog,.. pernah lei brapa minggu nda update gara – gara pulang kampung 😦 ,.. pernah lei ta abis akang bahan,.. so nintau mo tulis apa,.. 😦 kurang tamang – tamang pe komen yang beking ni blog bertahan,.. thx for commentnya,.. 😉

blog ini lei pernah jadi jembatan komunikasi antara tamang – tamang yang di jakarta maupun yang di luar jakarta,.. pernah jadi tampa diskusi,.. tampa bakalai,.. tampa bakusedu,.. tampa bakugara (mungkin ada yang ta trus kang? heheheh.. ),.. deng tampa lia foto – foto torang pe kegiatan,..

akhir – akhir ini,.. so jarang yang ja ba komen di sini,.. 😦 (walaupun dari data statistik, masih banya yang ja berkunjung disini) mungkin karna skarang samua lebe suka ba komen di FB/Twitter dari pada di blog,.. 😦 maar biar bagitu blog ini akan tetap exist,.. heheheh… kita tetap usahakan tiap hari mo update,.. apa aja yang kita rasa menarik pasti kita taru di blog,.. ok dank,.. sampe sini dulu tape kata – kata,.. 🙂 “Happy anniversary my blog”

About javerly

I'm from Lemoh, (TouLemoh)
Pos ini dipublikasikan di Javerly. Tandai permalink.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s